04 mai 2026 1 min read

Velkommen til FRAM - naturlegvis

Livet er ikkje ein rett veg, men ei vandring i kuppert og ulendt terreng. Fram handlar om retning - me skal ikkje skynde oss men me skal bevege oss framover. Naturlegvis refererer til vår tilknytning til naturen og moglegheitene i å nytte denne tilknytninga både førebyggjande og i behandling for å styrke vår mentale helse.

Som psykiatrisk sjukepleiar i kommunal rus og psykisk helseteneste møter eg kvar dag menneske som har det vanskelig. Men midt i alt det vonde, ser eg og noko anna: eg ser styrke, enorme ressursar og små glimt av kvardagsglede.

Denne bloggen er min digitale ryggsekk. Her vil eg dele tankar og erfaringar om mental helse, livskvalitet og verdien av å ta faget med ut i naturen. Det handlar ikkje om diagnosar eller avgrensningar, men om kva som gjev følelsen av mestring og styrke til å ta steget vidare.

Enten du er her for fagleg inspirasjon, eit lite pust i bakken eller for å finne ditt eige livsmot - du er hjarteleg velkommen med på turen!